[Kismaayo]
Warar kala duwan ayaa ka soo baxaya weerar ku billowday qarax xoogan oo goordhow ka dhacay gudaha magaalada Kismaayo ee xarunta ee xarunta ku meel gaarka ah ee dowlad goboleedka Jubbaland.
Weerarka ayaa waxa lagu soo warramayaa in lagu qaaday hoteelka Tawakal oo ku yaalla bartamaha magaalada Kismaayo ee xarunta gobolka Jubbada Hoose.
Ilo wareedyo lagu kalsoon yahay ayaa inoo sheegay in weerarka loo adeegsaday gaari laga soo buuxiyey walxaha qarxa, waxaana kadib hoteelka gudaha u galay rah hubeysan.
Ciidamada ammaanka Jubbaland oo goobta gaaray ayaa isku dayaya in ay soo afjaraan weerarka dableyda hubeesan goordhaw ku galeen dhismaha hotelka Tawakal oo kamid ah hoteelada caanka ah ee kuyaalla Kismaayo.
Sida aan wararka horu dhaca ah ku heleyno qaraxan goordhaw lagu weeraray hotelka Tawakal ayaa dhaliyay khasaaro isugu jira dhimasho iyo dhaawac, waxaana goobta weerarku ka dhacay degdeg u gaaray ciidamada amniga.
Warar wixii kasoo kordha halkaan kala soco @waddanitimes.com @dalka @jalwa @caano
