[Nairobi]
Waxaa maantay magaalada Nairobi ee dalka Kenya ka dhacay meertada 39-aad ee shir madaxeedka Urur Goboleedka IGAD, Soomaaliya waxaa oga qayb galay ra’iisul wasaare ku xigeenka Dalka Mahdi Maxamed Guuleed.
Meertadan 39-aad waxaa looga hadlay nabada, iyo abaaraha ku dhuftay dalalka geeska Africa, sidoo kale waxaa looga hadlay arimaha muhiimka u ah dalalka geeska Africa iyo isbadalka ciidamada.
Mahdi Guuleed ayaa waxaa uu wakiil ka ahaa madaxweynaha Soomaaliya Xassan Sheikh Maxamuud oo dalka Turkey-ga ugu maqan safar kaasoo qaatay waqti ka dheer intii uu qorshaha safarka ahaa.
Shirkan oo aan ku matalaayey Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaan warbixin ka siiyey madaxda urur gobolleedka IGAD horumarada la gaaray iyo qorsheyaasha dowladda ee dhinacyada ammaanka iyo dib u soo kabashada dalka” ayuu yiri Guuleed.
Ururkaan oo la aasaasay 1986 waxaa xubin ka ah 8 wadan oo kala ah.
Djibouti, Eritrea, Ethiopia, Kenya, Somalia, South Sudan, Sudan and Uganda, iyadoo sanad walba ay yeeshaan kulan ay ku faaqidayaan hadba xaaladii kolkaa soo siyaada.
