[Eretia]
Dood uu ka qayb galay afahayeenka Villa Somalia Cabdikariim Cali Kaar oo kabaxaysay Somali Cable TV ayaa shaaca ka qaaday in qaar kamid ah askartii tababarka ugu maqnayd ay dhinteen, iyadoo sidaan wada ognahay dhawaan farmaaho file-ka ciidamada oo gaaraya 5,000 uu ku wareejiyay Xassan Sheikh Maxamuud.
Waxaa uu afahayeenku sheegay in askartan qaar kamida ku dhinteen tababarka in kastoo tirada uusan la wadaagin bulshada.
Maamulkii hore ee Farmaajo waxaa uu sheegay in hal askari uu dhintay.
Warkaan ay dowladu shaacisay ayaa ah mid naxdin leh oo waalidiin badan walwal ku abuuray, inkastoo aan la ogayn tirada rasmiga ah misana waxaa jiray askar soo baxsatay sanadkii hore waxay iyaguna xaqiijiyeen ilaa 7 askari inay ka dhinteen, inkastoo aan la xaqiijin karin warkaan.
“Tababarka qaar baa ku dhintay, qaarbaa jira oo iskooda isaga dhintay, waalidiinta way ka war-hayaan Carruurtooda inta dhimatay iyo inta nool. Waana la keenayaa dalka. Maanta ma jirto dowladda Soomaaliya xili ay uga baahi badan tahay askartaas, maadaama ahmiyad gaar ah amniga uu u leeyahay Madaxweyne Xasan Sheekh,” Cabdikariim Cali Kaar.
Sidoo afahayeenku waxaa uu beeniyay warar dhawaanahan laysla dhexmaraayay oo sheegayay in dowlada Eretria ah ciidamadan u hayasto lacag dhan 50 million oo dollar taasoo ah lacagtii kubaxday tababarkooda iyo agabkoodaba.
