Dowladda Turkiga ayaa mar kale si weyn uga carootay bannaan bax lagu gubay qeebo kamid ah kutaabka Qur’aanka Kariimka oo ka dhacay barxadda hore ee safaaradda Turkiga ee ku taalla magaalada Copenhegan ee caasimadda dalka Denmark, waxaana falkan geestay nin cunsuri ah oo lagu magacaaba Rasmus Paludan heestana dhalashada dalalka Denmark iyo Sweden, waxa uuna ninkan meel aan ka fogeyn masaajidka iyo safaaradda Turkiga shalay ku gubay Qur’aanka Kariimka.
Wasaaradda arrimaha dibadda dowladda Turkiga oo ka carootay tallaabadan lagu gubay kutaabka Qur’aanka Kariimka ayaa si degdeg ah ugu yeertay safiirka dowladda Denmark u jooga dalkeeda si ay ugu muujiso in eysan aqbali-karin in lagu xadgudbo kutaabka Qur’aanka iyo diinta islaamka, wasaaradda arrimaha dibada ee Turkiga ayaa u sheegay danjiraha Denmark inaan la aqbali karin hab dhaqanka foosha xun ee dalkiisa, warbaahinta Turkiga ayaana baahiyeen in ay suurto gal tahay in safiirka lagala noqdo ogolaanshiyaha safiirnimo.
Ninkani cunsuriga ah ee u dhaqdhaqaaqa aragtida midigta fog ee Islaam naceebka ayaa ku hanjabay in uu jimco kasta sii wadi doono gubista kutaabka Qur’aanka Kariimka ilaa inta Sweden looga ogolaanayo in ay ku biirto Nato, Turkiga ayaana mar sharuudo hordhiga dowladda Sweden hadii ay rabto in ay ku biirto Nato balse maysan fulin shuruudihii sidaasi darteed Turkiga ayaa si weyn uga soo horjeestay in Sweden ay ku biirto NATO.
