Ugu yaraan qof walba waa maqlay shirkadaan TikTok oo 2016-kii dunida ku soo gashay xawaare aad u dheereeya taasoo keentay maantay in ay noqoto shirkad aad u macaamiil badan, macaamiisha shirkada ayaa lagu qayaasay in ay gaarayaan in kabadan 1B users, mawduucaan waxaan oga hadli doonaa yaa leh shirkadaan aadka uwayn.
Bal aan dib u eegno taariikhda TikTok.
TikTok waa barnaamij bulsho oo u oggolaanaya isticmaaleyaasha inay abuuraan oo wadaagaan fiidiyowyo gaagaaban, waxaa uu free ka yahay App Sore ka iyo Play store kaba, sida aan xog aan soo baarnay noo sheegayso TikTok waxaa uu kasoo muuqday liiska shirkadaha ugu saamaynta badan dunida, App kaan waxaa la dagsaday in kabadan 2.6 Billion.
Haddaba yaa iska leh TikTok
TikTok waxaa iska leh shirkadda Shiinaha ee ByteDance waxaana laga heli karaa ama uu available ka yahay in ka badan 150 waddan.
waxaa ay dadku ku abuuri karaan bulsho ama macaamiil si gaara ayaga ugu xiran sidoo kale waxaa laga sameeyaa magac ama caan-nimo, Iyada oo ay ugu wacan tahay is-dhexgalkeeda ballaadhan iyo is-dhexgalka sida fudud ah ee loo istcimaali karo, TikTok waxa ay siisaa fursad gaar ah hal-abuurayaasha si ay ugu xidhmaan dhagaystayaal caalami ah.
Isticmaalayaal badan waxaa ay TikTok u isticmaalan hab madadaalo ah iyagoo waqtigooda inta badan ku qaata aaladaan.
TikTok waxaa iska leh ByteDance sidaan horay ugu soo waranay, ByteDance waa shirkad si gaar ah loo leeyahay oo xarunteedu tahay Beijing, iyadoo la asaasay sanadkii 2012.
Sannadkii 2016, shirkaddu waxay soo saartay Douyin, nooca Shiinaha ee TikTok, sannadkii 2017, ByteDance waxay soo saartay TikTok si ay ugu adeegto dhagaystayaasha caalamka.
Waxaa jiray App la dhihi jiray Musical
App-ka warbaahinta bulshada waxa uu soo maray isbedelo badan dhowrkii sano ee la soo dhaafay. Sannadkii 2014, App-ka Musical – oo lahaa astaamo la mid ah kuwa TikTok app – ayaa laga bilaabay Shiinaha, balse nasiib wanaag Sannadkii 2017, Musical.ly wuxuu ahaa mid ka mid ah apps-ka ugu caansan adduunka waxaana soo iibsatay ByteDance ilaa $1 bilyan.
Ku bilaaw maalintaada habraaca wararka ku salaysan Dhaqaalaha, Ganacsigayada, Maaliyada, Caafimaadka iyo Teknoolajiyada.
Si aysan kuu dhaafin daabacadeena fadlan halkaan hoose noogu reeb E-mailkaaga — Mahadsanid 🖤
ByteDance waxay isku biirisay TikTok iyo Musical.ly, taasoo gacan ka gaysatay kor u qaadida TikTok in uu si fudud ku gaaro caalamka, waxayna siisay marin u helitaan isticmaalayaasha iyo abuurayaasha ku abuuraan muuqaalo nuxur leh.
Maamulihii hore ee shirkada ByteDance mudane Zhang Yiming ayaa saldhigay shirkadaan sanadki 2012 asagoo jooga gurigiisa uu ka daganaa Beijing, shirkadaan laga soo bilaabay guri dhexdiisa maantay qiimaheedu waa maal aduun oo lagu qiyaasay $300 Billion sida ay sheegtay xog aan helnay.
ByteDance waxay ka shaqeysaa barnaamijyo badan oo adduunka oo dhan ah, kuwaas oo ay ku jiraan Helo (madasha warbaahinta bulshada Hindida ) iyo Vigo Video, Tan iyo markii la aasaasay shirkaddu waxay iskaashi la samaysay Oracle Cloud si ay u kaydiso xogta isticmaalaha jooga Maraykanka.
In kasta oo ByteDance ay caan ku tahay maalgashiga ay ku samayso baraha bulshada, sidoo kale shirkaddu waxay danaynaysaa warshado badan oo kala duwan, kuwaas oo ay ku jiraan wararka, Geemamka iyo waxbarashada.
ByteDance sidoo kale waxay leedahay oo ay maamushaa Toutiao oo ah app Shiinees ah oo siiya wararka shakhsi ahaaneed isticmaaleyaasheeda dalka Shiinaha.
Gunaanadkii shirkada ByteDance waxaa ay hormarkeedi ugu horeeyay ka samaysay Toutiao
Ku bilaaw maalintaada habraaca wararka ku salaysan Dhaqaalaha, Ganacsigayada, Maaliyada, Caafimaadka iyo Teknoolajiyada.
Si aysan kuu dhaafin daabacadeena fadlan halkaan hoose noogu reeb E-mailkaaga — Mahadsanid 🖤
