[Mogadishu]
Waxaa dhawaanahan soo xoogaysanaya xogta la xariirta shaqsiga loo magacaabayo ra’iisul wasaare ku xigeenka dalka, warar xoogooda ayaa sheegaya in loo magacaabi doono maamulihii hore ee shirkadda Dahabshiil ee koofurta iyo bartamaha Soomaaliya, Xasan Cabdi Cawad.
Dahabshiil ayaa booska Xasan Cabdi Cawad u magacawday Cumar Xasan Yoolac, kadib kolkay shirkadu ku dhawaaqday 18-kii bishaan inuu Xassan Cabdi Cawad ka tagay shaqadii Agaasiamha shirkada ee koofurta iyo bartmaha Soomaaliya.
Sidoo kale waxaa wararku sheegayaan in Madi Guuleed oo ku dhawaad 6sano ku fadhiyay jagadaan uusan qayb ka ahayn wasiirada cusub ee lafilayo in lagu dhawaaqi doono bilowga todobaadkaan soo socda.
Cawad ayaa ah aasaa-saha hay’adda samafal ee Abeer Foundation, taasoo ku dhalatay kadib weerarkii 15- bishii Agoosto, waa sida uu sheegaye, weerarkaas oo uu ku dhintay wiil uu dhalay sidoo kalana dhaawac kasoo gaaray gabar uu dhalay.
Sidoo kale todobaadkii tagay Xasan Cabdi Cawad ayaa kulan la qaatay ra’iisul wasaaraha xukuumada mudane Xamze Cabdi Bare, kulankaas ayaana soo gaba-gabeeyay dadaalo uu waday mudane Mahdi oo hadda jagadaan ku fadhiya taasoo ku doonayay in uu sii ilaashado jagadiisa.
