[Britain]
Liz Truss ayaa maanta loo magacaabay inay noqoto ra’iisul wasaare xiga ee Britain, ayada oo ku guuleystay hoggaanka xisbiga talada haya ee Conservative-ka.
Kadib toddobaadyo loolan adag ah, oo siyaasiyiin badan ay u tartameen hoggaanka xisbiga, waxaa tartankii ugu dambeeyey isugu soo haray Liz oo ah wasiirka arrimaha dibedda iyo wasiirkii hore ee maaliyadda Rishi Sunak.
Codeyn loo qaaday labada xildhibaan ayaa waxaa ku guuleystay Liz Truss oo heshay 81,326 ah codadka xubnaha xisbiga Conservative-ka, halka Rishi Sunak uu ka helay 60,399 cod.
Guusha Liz Truss ayaa ka dhigan in Boris Johnson uu wareejin doono xilka ra’iisul wasaaraha oo lagu qasbay bishii July inuu iska casilo kadib bilo ay hareeyeen fadeexado, islamarkaana uu lumiyey taageerada xisbigiisa.
Johnson ayaa Talaadada u safri doona Scotland oo ay ku sugan tahay boqorad Queen Elizabeth, si uu ugu dhiibo is-casilaaddiisa. Wxaaa kadib boqoradda u tagi doona Liz Truss oo ka codsan doonta inay soo dhisto dowlad.
Truss ayaa ah xoghayaha arrimaha Dibadda ee UK, waana xildhibaan katirsan baarlamaanka Britian sidoo kale waa wasiiro dowlaha haweenka iyo cadaalada.
Dalka Britain ayaa horey xilka Ra’isul Wasaaraha waxaa marar kala duwan usoo qabtay haween, waxaana dalkaasi siyaasadiisa markan hoggaamin doonta Liz Truss oo kamid aheyd siyaasiyiinta dalkaasi ugu saameynta badneed.
