[Muqdisho]
Ra’iisul wasaaraha Xukuumadda Federaalka Soomaaliya Mudane Xamse Cabdi Barre ayaa ka qeyb galay munaasabad soo dhaweyn ah oo ay u sameeyeen aqoon yahannadii wax ku soo baratay dalka Malaysia, oo ay kamid ahaayeen mudanayaal katirsan golayasha dowlada, taas oo lagu soo dhaweynayay magacaabistii iyo kalsooni siintii Baarlamaanka ee Ra’iisul Wasaaraha.
Ra’iisul Wasaare Xamse ayaa bogaadiyay dadaalada aqoon yahanada Soomaaliyeed ee wax ku soo bartay jamacadaha diba dadaalka ay ku bixinayaan dowlad dhisida.
Aqoon yahannadii ka qeybgalay munaasabadi lagu soo dhoweenayay Ra’iisul Wasaaraha oo ay ku jireen musuliyiin ka tirsan dowladda ayaa Alle uga baryey in uu la garab-galo masuuliyada qaran ee loo idmaday.
Ra’iisul Wasaaraha XFS Xamse Cabdi Barre ayaa aqoon yahannadii uu lakulmay uga warbixiyay qorshihiisa ku aadan dhismaha xukuumad tayo leh oo dalka u horseeda amni iyo hormar mustaqbal wanaagsan u abuureyta jiilka soo koraya.
