Nin hubeysan oo Falastiin kasoo jeeda ayaa toddoba qof dilay saddex kalena ku dhaawacay banaanka kaniisada Yahuudda oo ku taalay magaalada Qudus, ninkani ayaa fuliyey mid ka mid ah weeraradii ugu dhimashada badnaa ee mudoyinkan lala beegsado Israa’iiliyiinta, weerarkan ayaa ku soo aadaya iyada oo ciidamada Israa’iil ay sagaal qof ku dileen weerar ay ku qaadeen Daanta Galbeed, halka ciidamada Falastiin ay gantaallo jawaab ah kasoo tureen Gaza.
Booliska ayaa asheegay in “qiyaastii 8:15 pm uu nin hubeysan yimid aagga waddada Neve Yaakov ee magaalada Qudus kadibna uu billaabay inuu toogto dad goobta ku sugnaa, Waxa ay intaas ku dareen in ninka weerarka fuliyey uu goobta ka baxsaday balse durba la daba-galay ugu dambeynna la toogtay kadib rasaas ay isdhaaf-sadeen isaga iyo booliska”.
Dowladda Mareykanka ayaa sheegtay in madaxweyne Biden uu cambaareeyey weerarka, kuna amray kooxdiisa amniga qaranka inay caawimaad siiyaan dhiggooda Israel.
