[Puntland]
Wararka ka imaanaya Waqooyiga magaalada Gaalkacyo ee maamulka Puntland ayaa sheegaya in xalay xabsi kuyaalla magaaladasai ka baxsadeen maxaabiis loo heestay in ay katirsan yihiin Al Shabaab, kuwaa oo qaarkood xukun dil ah lagu riday.
Maxaabiista baxsatay oo jabiyey qolkii ay ku xirnaayeen ayaa tiradooda lagu sheegay illaa 7 ruux, sida ayu xaqiijiyeen Waddani times Sarakiisha qabilsan dhanka amniga.
Booliska Puntland ee Gaalkacyo ayaa shaaciyey in mid ka mid ahaa raggaasi ay toogasho ku dileen, saddex ka mid ahna ay gacanta ku dhigeen oona mid kamid ah dhaawac yahay, halka saddex kalena ay baxsadeen.
Saraakiisha laamaha amniga ayaa shaaca ka qaaday magacyada maxaabiista u xirnaa Al-Shabaabnimada ee fakaday, kuwaas oo kala ah:-
1-Xasan Isaaq Maxamed
2-Maxamed Cali Maxamed (Istakin)
3-Liban Ciise Cali (Madax-kariye)
Kuwaas oo ay sheegeen inay ka mid ahaayeen kooxihii dilalka iyo qaraxyada ka geysan jiray magaalada Gaalkacyo.
Raggaan saddexda ah oo ay horey dilka ugu xukuntay maxkamadda ciidamada ee dowlad goboleedka Puntland ayaa sidoo kale midkiiba la dul-dhigay lacag dhan $2,000 oo la siinayo ciddii soo sheegta, sida lagu sheegay warbixinta kasoo baxay taliska booliska.
