[Mogadishu]
Warar ay noo xaqiijiyeen ila muhiim ah oo katirsan Hay’adda NISA ayaa sheegaya in isbadel lagu sameeyay qaabkii ay ciidamada iyo saraakiisha Hay’adda u shaqayn jireen tan iyo marki hogaanka uu la wareegay taliyaha hay’adda Mahad Salaad.
Agaasimaha hay’adda ayaa tan iyo markii ladoortay iska qariyay warbaahinta iyo baraha bulshada, kaasoo awal looga bartay in uu ka hadlo baraha bulshada iyo TV-yada.
Agaasimaha ayaa dalacsiiyay dhalinyaro badan oo katirsan NISA, kuwaas oo isugu jira kuwa cusub iyo kuwa horay oga shaqayn jiray Hay’adda wollow lagu xanto in ay isku hayb ama qabiil yihiin Agaasimaha.
Waxaa sidoo kale hoos loo dhigay mushaaraadka ay qaadan jireen saraakiisha ciidamada ee darajada aqoonta lagu kala xulan jiray.
Shaqaalihii wata darajada master degree waxaa iminka mushaarkiisa laga dhigay $550, halkii uu awal qaadan jiray $1000 ilaa $1500 oo dollar.
Sidoo kale shaqaalihi wata shahaadada Degree waxaa laga dhigay $350, halkii uu awal qaadan jiray $700 ilaa $1000 dollar.
Sidoo kale shaqaalaha kale ee lagu xulan jiray aqoontooda iyo xirfadooda waxaa lacagtooda laga dhigay $200 dollar, halkii ay awal qaadan jireen $500 ilaa $1000 dollar, lacagta hadda laga dhigay waa mid ay dhamaantood ka simnaan doonaan.
Agasimaha cusub ayaa meesha ka saaray shidaal ay lahaayeen saraakiisha ama shaqaalah howlgabka ah, inkastoo aan la ogayn meesha ay aadi doonto lacagtaas maadaama miisaaniyadii udanbaysay ee dowlada Somalia sanadkaan 2022 lagu ansixiyay sidoo kalana loo kordhiyay miisaaniyada kubaxaysa hay’adda NISA.
Lama oga wax keenay go’aamadaan uu qaatay, lkn dadka wax ka qora arimahaan ayaa sheegaya in Mahad Salad iyo saaxiibadiisu ay ka samayn doonaan lacago fara badan, iyadoo uu yaryahay isla xisaabtanka maa daama uu dalka maamulo hal xisbi, Agaasimahuna uu ka mid yahay Xisbiga talada haya.
