[Mogadishu]
Warar dhawaan naga soo gaar madaxtooyada Soomaaliya aya sheegaya in madaxweyne Xassan Sheikh Maxamuud uu udhoofayo dalka Tanzania, si uu taageero ugu raadiyo in Soomaaliya ay ka mid noqoto dalalfa ku bohoobay dallada Bulshada Bariga Africa ee EAC.
Sidoo kale diblomaasi sare oo reer Brundi ayaa sheegay in dalkiisu gudoomiyinimada kala wareegi doono dalka Kenya, waxaa uu sheegay in uu taageeri doono musharaxnimada Soomaaliya, waxaa uu intaas kudaray in ay jiraan wadamo badan oo taageeri doona arinkaas.
Bayaanka kasoo baxay madaxtooyada Soomaaliya ayaa lagu sheegay in ay dowlada Soomaaliya horay ugudbisay codsigaan sanadii 2016.
“Dhaqaalaha wadajirka ah ee dalladdan sanadkii waxaa lagu qiyaasaa in ka badan 300 oo Bilyan oo Doolarka Maraykanka ah, iyada oo wadarta tirada dadweynaha ku nool dalalkan lagu qiyaaso 312 oo Malyan kuwaasi oo leh hal Baasaboor oo mideeya” ayaa lagu yiri warsaxaafadeedka madaxtooyada.
