[Kursiga Fahad Yaasiin]
Gudoomiyaha golaha shacabka Sheikh Aadan maxamed Nuur-Madoobe oo saakay dalka dib ugu soo laabtay ayaa markii ugu horaysay ka hadlay sida laga yeeli doono kursiga Fahad Yaasiin Xaaji Daahir oo ay timid caqabad sidaasna horay loogu hakiyay.
Gudoomiyaha waxaa uu shaaciyay in kursigaan go’aan laga gaari doono kalafadhiga hadda aoxda ee baarlamaanka, si loo soo buuxiyo kursigaan
“Hadii Ilaah yiraahdo kalafadhiga hadda socda waa iclaamin doonaa si loo soo buuxiyo arrin dastuuri ah waaye” ayuu yiri Aadan Madoobe.
Waxaa uu sheegay gudoomiyihu in lagu celin doono qabashada kursigaan, isla markaana loomari doono waddo sharci ah.
“Koleey waxaan sameyn doonaa doorasho sharcigeeda dhamaystiran yahay-baa loo iclaamin doonaa, doorasho in lagu celiyo waaye” ayuu yiri Aadan Madoobe.
Hadalkan ayaa imaanaya iayadoo gudigii hore ee doorashada xildhibaanada ay hakiyeen natiijada kursigaan, sidaasna uu Fahad Yaasiin uu oga haray doorashada, qaasatan tii madaxweynaha ee dhacday 15May.
