[update]
Waxaa maantay lasoo gabagabeeyay shirkii ka socday magaalada Muqdisho kaas oo u dhaxeeyay madaxda maamul goboleedyada iyo kuwa dowlada fedraalka Soomaaliya.
shirkaan oo socday mudo labo maalin ah ayaa looga hadlay dhowr arimood oo ay ugu horeeyaan wax ka qabadka amniga gaar ahaan howlgalada ka dhanka ah kooxda nabad diidka, iyo sidii loo siyaadin lahaa howlgalada iminka socda ee dalka looga xoraynayo kooxdaan.
Madaxda shirka u dhaxeeyay ayaa inta badan isku fahmay qodobadii shirka looga arrinsanayay, waxaana socda diyaarinta war-murtiyeedka shirka oo lagu cadeenayo go’aanada ay madaxda isku raaceen.
Shirkan ay isugu yimaadeen madaxda dowladda federaalka iyo kuwa dowlad goboleedyada ayaa kusoo aaday xilli xasaasi ah oo dalka qeybo kamid ah ka socdaan dagaalo la doonayo in Nabad-diidka looga adkaado.
Dagaalka ka dhanka ah Nabad-diidka oo uu ku dhawaaqay madaxweynaha Soomaaliya ayaa hadda si rasmi ah uga socda deegaanada Hirshabelle, waxa uuna doonayaa madaxweynaha in dagaalka kawada bilowdo guud ahaan dalka.
