Fiilada hoost marta badwaynta ee dunida u gudbisa Internet-ka ayaa soo gaartay Africa,
Fiiladaan oo ay leedahay shirkadda Google ayaa soo gaadhay Africa, waxayna shirkadda Google u balanqaaday macaamiisheeda in ay kordhin doonto xawaaraha Internet-ka Africa, iyadoo tiri waan laba jibaari doonaa xawaaraha Internet-ka.
Sidoo kale shirkaddu waxay sheegtay in mashruucaan oo sanado badan socday uu iminka soo gabagaboobay oo uu soo gaaray maalinimadii Jumcaha ahayd, qaaraduna heli doonto Internet raqiis ah kana awood badan kan ay imin-ka bulshadu isticmaasho.
Shirkadda ayaa xarumo badan oo Africa ah samayn doonta kuwaas oo ay internet-ka qaadan karaan dhamaan wadamada ku dhow dhow, waxaana lagu bilaabi doonaa oo xarumaha koowaad laga samayn, dhul kuyaala Nigeria, South Africa iyo Namibia kuwaas oo lagu bilaabi doono dhamad-ka sanadkaan 2022.
Afrikada ka hoosaysa saxaraha waa gobolka ugu xidhiidhka yar aduunka, iyada oo ku dhawaad afar meelood meel dadka ka mid ah ay wali ka maqan yihiin caymiska mobilada marka la barbar dhigo 7% caalamka, sida lagu sheegay warbixin ay soo saartay GSMA Intelligence 2020.
Inta badan wadamada galbeedka Afrika ayaa ah kuwa ugu hooseeya qiimeynta caalamiga ah ee bangiga adduunka ee gelitaanka internetka.
