[Somalia]
War saxaafadeed kasoo baxay taliska Maraykanka ee Soomaaliya ee loo yaqaan Africom, ayaa lagu xusay in ay fuliyeen duqayn cirka ah, duqayntan oo ka dhacday saldhigyo Alshabaab ay ku leeyihiin deegaano ka tirsan gobolka Jubbada Hoose.
Duqayntaan ayaa ka dhacday deegaan aad u fog oo ku dhow deegaan Labikuus oo katirsan Gobolka Jubbada Hoose.
“Ciidamada Maraykanka ayaa loo fasaxay inay fuliyaan weeraro ay ku difaacayaan ciidamada kajooga Soomaaliya, Qiimaynta hordhaca ah ee taliska helay ayaa sheegaya in labo ka mida ah Al-shabaab lagu dilay howlgal iyo in aysan jirin dad rayid ah oo ku dhaawacmay ama lagu dilay yaa lagu yiri” war saxaafadeedka kasoo baxay Africom.
Sidoo kale qoraalka ayaa lagu yiri – Dowladda Federaalka Soomaaliya iyo Mareykanka ayaa weli ka go’an la dagaalanka Al-Shabaab. si ay uga hortagaan dhimashada dadka rayidka ah ee aan waxba galabsan ayaa lagu soo geba-gabeeyay Warka kasoo baxay Mareykanka.
